പയ്യന്നൂരില്‍ ജീവനക്കാരിയെ പീഡിപ്പിക്കാന്‍ ശ്രമിച്ച സൂപ്പര്‍മാര്‍ക്കറ്റ് മാനേജരെ അറസ്റ്റില്‍.
മാര്‍ക്കറ്റില്‍ ഫ്‌ളോര്‍ മാനേജരായി ജോലി ചെയ്യുന്ന യുവതിയുടെ പരാതിയിലാണ് മാനേജര്‍ വേങ്ങാട് പടുവിലായി സ്വദേശി ഹാഷിമിനെ പയ്യന്നൂര്‍ പോലീസ് അറസ്റ്റ് ചെയ്തത്.
ഓഗസ്റ്റ് ആറാം തീയതി മുതലാണ് യുവതി സൂപ്പര്‍ മാര്‍ക്കറ്റില്‍ ജോലിക്കെത്തിയത്. അന്നുമുതല്‍ മാനേജര്‍ ലൈംഗിക താല്‍പര്യത്തോടെ തന്റെ പിന്നാലെ കൂടി ശല്യം ചെയ്യുകയും ദോഹോപദ്രവമേല്‍പ്പിക്കുകയുമായിരുന്നു എന്നാണ് യുവതി പോലീസില്‍ നല്‍കിയ പരാതിയില്‍ പറയുന്നത്.
നേരത്തെയും ഇയാളുടെ പേരില്‍ സമാന രീതിയില്‍ പരാതി ഉയര്‍ന്നിട്ടുള്ളതായി പോലീസ് പറഞ്ഞു.
